بلوچستان کے ضلع کیچ سے پاکستانی فورسز نے ایک شخص کو حراست میں لے کر لاپتہ کردیا ہے۔
لاپتہ ہونے والے شخص کو فورسز نے 16 جون کے دوران آپریشن کوالواہ کے علاقے سکگ سے حراست میں لے لیا ہے، جسکی شناخت سنگاس ولد جمعہ کے نام سے ہوئی ہے۔
مقامی ذرائع نے ٹی بی پی کو بتایا کہ دوران آپریشن فورسز نے مذکورہ شخص کو حراست میں لے کر لاپتہ کردیا جبکہ خیر محمد ولد لقمان نامی شخص کو شدید تشدد کا نشانہ بناکر گھروں کو نذرآتش کرکے ان کے تین اونٹ اور دو لاکھ نقد پاکستانی روپے بھی لوٹ کر اپنے ساتھ لے گئے ہیں۔
خیال رہے کہ رواں ماہ بلوچستان میں پاکستانی فورسز کی کاروائیوں اور جبری لاپتہ ہونے والے کیسسز میں کافی تیزی دیکھنے میں آرہی ہے گزشتہ دنوں فورسز کے ہاتھوں دوران حراست ایک نوجوان کی ہلاکت بھی ہوئی ہے۔
