بلوچستان لبریشن فرنٹ کے ترجمان میجر گہرام بلوچ نے گیشکور آرمی کیمپ پر حملے کی ذمہ داری قبول کرتے ہوئے کہا کہ پیر 30 نومبر کی شام سرمچاروں نے ضلع کیچ کے علاقے گیشکور بازار میں قائم آرمی کی مین کیمپ پر راکٹوں اور بھاری ہتھیاروں سے حملہ کیا ہے۔
میجر گہرام بلوچ نے میڈیا کو مزید تفصیلات بتاتے ہوئے کہا کہ سرمچاروں نے پہلے آرمی کیمپ کے دو مورچوں کو بھاری ہتھیاروں سے نشانہ بنایا اور اسکے بعد آرمی کیمپ پر کئی راکٹ داغے جو کیمپ کے اندر گرے، عین اسی وقت سرمچاروں نے بھاری ہتھیاروں کا بھی استعمال کر کے دشمن فوج کو بھاری جانی و مالی نقصان پہنچایا۔
انہوں نے کہا کہ یہ حملے مقبوضہ بلوچستان کی آزادی تک جاری رہیں گے۔
