خضدار مسلح افراد کی فائرنگ سے دو نوجوان ہلاک
دی بلوچستان پوسٹ نیوز ڈیسک کو موصول ہونے والی اطلاعات کے مطابق ضلع خضدار کے تحصیل زہری میں مسلح افراد نے فائرنگ کر کے دو نو جوانوں کو قتل کر دیا ۔
تفصیلات کے مطابق تحصیل زہری کے علاقے چشمہ زہری میں آج سمری چوک پہ نامعلوم افراد کی فائرنگ کے نتیجے میں عبدالحفیظ ولد ماسٹر عبدالعزیز سمالانی اور ریا ض احمد ولد محمد عظیم سمالانی موقعے پر ہی جانبحق ہوگئے ۔ مقتولن کا تعلق زہری پنجکان سے تھا ۔
واضح رہے دو روز قبل اسی علاقے میں دو گروہوں میں تصادم کے دوران فائرنگ کے نتیجے میں دو افراد میر احمد سمالانی اور امین جتک ہلاک ہوگئے۔
علاقائی ذرائع کا کہنا ہے ان واقعات کی وجہ پرانی دشمنی ہے ۔
