مستونگ میں پاکستانی فورسز نے گھر پر چھاپے کے دوران ایک شخص کو گرفتار کرکے اپنے ہمراہ لے گئے۔
تفصیلات کے مطابق بلوچستان کے ضلع مستونگ کے علاقے کردگاپ میں 28 جون کی رات پاکستانی فورسز نے عبدالمطلب سرپرہ کےگھر پر چھاپہ مارا، دوران چھاپہ
فورسز نے عبدالمطلب سرپرہ کے بیٹے شیر گل کو گرفتار کرکے اپنے ہمراہ لے گئے ،جس کے بعد سے تاحال نوجوان لاپتہ ہے۔
یاد رہے گذشتہ سال بھی 24 دسمبر کو پاکستانی فورسز نے عبدالمطلب سرپرہ کے گھر پر چھاپہ مارتے ہوئے مذکورہ شخص کے دوبھائیوں کو حراست میں لینے کے بعد بعد اپنے ہمراہ لے گئے تھے
ذرائع نے مزید بتایا کہ اس سے قبل گرفتاری کے بعد لاپتہ ہونے والے افراد بعد میں بازیاب ہوئے تھیں تاہم گذشتہ روز لاپتہ ہونے والاشیر گل تاحال منظر عام پر نہیں آسکا ہے۔
بلوچستان کے مختلف علاقوں میں پاکستانی فورسز اور خفیہ اداروں کی جانب چھاپوں، آپریشن ، گرفتاری اور جبری گمشدگیوں میںحالیہ کچھ عرصے سے اضافہ ہوا ہے اور اس دوران زیادہ تر بلوچ نوجوان بالخصوص تعلیم یافتہ طبقہ ہی گرفتاری کے بعد لاپتہ ہورہےہیں۔
بلوچستان میں ان ہی جبری گمشدگیوں کے مرکزی شہر کوئٹہ اور سندھ کے مرکزی شہر کراچی میں لواحقین کی جانب سے احتجاججاری ہے ۔
