پدائی ریھان ئے کاروان
نبشتہ: کمبر بلوچ
دی بلوچستان پوسٹ
دگنیا ئے تھءَ ھما راج زندگ ءُ ابد مان بنت کہ ھما راج ئے نوجوانانی تھءَ کربانی دیئگ ئے جزبہ ببیت ءُ زورگیریں ریاست ئے ھمُک مکاریاں سرپد ببیت، آئی ھلاپءَ ھر مھاذءَ دیما بئیت. نوجوانانی ھون آوانی راج ئے وش ھالیں باندات بیت.
بلوچ راجی جنزءَ مزنیں مدت ءِ بیت کہ زورگیریں ریاست دیما وتی راجی پجار، وتی زبان، وتی ساھل ءُ وسائلانی پھازگ ءِ ھاترءَ ھر وڈیں کربانی دئیگ ءَ چہ چک ءُ پد نبوتگ. بلوچ نوجواناں ھم وتی ھون پہ وتی سرڈگار ھاترءَ ریتکگءُ ریاست ءَ باور کنائینتگ کہ بلوچ وتی ھر شےءَ کربان کنگءَ تیار اِنت.
نوجوانانی تھءَ ریھان جان ئے نام کلاں چہ پیش گرگ بیت، ریھان جان تھنا ریھان نہ اِنت بلکیں مروچی آ یک پگرءِ جوڈ بوتگ، یک نزریہ ئے جوڈ بوتگ. ریھان جان نوجوانانی تھءَ یک رھشون ءِ حیثیت دار ایت. ریھان جانءَ وتی نگرھیں جان پہ بلوچ راج ءُ بلوچ سرزمین ھاترءَ پہ گل ءُ شات کربان کرت. ریھان جان ئے شھادتءَ بلوچ نوجواناں سرپد کرت کہ کربانیءَ چہ وتی مکسد چے وڈ سرجم بیت ءُ وتی سرزمین ئے سرءَ ھما زورگیریں دژمن گوما کجام ھدءَ تک روگی انت ءُ اے ھم باور کنائینت کہ ابید چہ کربانیءَ پہ بلوچ راجءَ دگہ راھ پشت نہ کپتگ. ریھان جان ئے شھادتءَ بلوچ راج ءُ ھاس کر نوجوانانی تھءَ یک نوکیں امیت ءُ کربانی دیئگ ئے جزبہ ودی کرت.
ریھان جان ئے کاروان تھءَ پدائی بابر پنام پرید ھم ھوار اَت. پرید جان من گوں باز وھد گوازینت نکت بلئے کمے وھد تھءَ من چہ تو باز چیز دَر بُرت ءُ بازیں چیز ءِ مار اِت کہ مئے مکسد چے انت ءُ وتی مکسد گوما ایمانداری چی ئے؟ پرید جان یک ھاموش تبیں انسانی اَت بلئے گوں وتی مکسدءَ بے کساس ایماندار اَت. گوں ھمے ایمانداریءَ وتی ذمہ واریاں دیما بران اَت.
پرید جان منءَ تئی شھادتءِ سرءَ اپسوز ھم بیت ءُ پخر ھم بیت. اپسوز ھمے واستہ کہ تو وتی دل ئے تھءَ ارمان ءِ داشتگ اَت کہ پہ دژمنءَ پدءَ ریھان ئے یات داتگءَ کہ بلوچانی تھءَ چشیں ھزار ریھان ھست انت کہ وتی اَر شےءَ کربان کنگءَ چک ءُ پد نبنت. منءَ اپسوز ھمے چیزءَ ھم بیت دژمن ءَ وتی زَر گپتگیں مردمانی دست ءَ ترءَ شھید کنائینت. پخر اے ھاترءَ بیت کہ تو پہ گلزمین ھاترءَ وتی زند بکشات ءُ وتی راج ءُ گلزمین ئے دژمناں اے ترس دلءَ دات کہ منی وڈیں وانندھیں نوجوان انگت است انت تئی نام ءُ نشانءَ گار کن انت.
مجید برگیڈ ءِ ھمے کاروان ءِ تھءَ رئیس جان، ازل جان ءُ رازک جان ھم ھوار اِتاں ءُ یک برے پدءَ زورگیریں پاکستان ءُ چائنہ ءَ را باور کنائینت اِش کہ بلوچ سرڈگار بے وارث نہ اِنت.
اسد جان، کچکول جان، منسب جان ءُ ھمل جان ھم ھمے راھ ئے سپاھی اِت اَنت یک برے پدءَ ریھان جان ئے یاد اِش تازگ کرت ءُ دژمن ئے واستہ یک تباھی ءِ جوڈ بوت اَنت ءُ بلوچ جھدکاراں یک نوکیں جزبہ ءُ حوصلہ ءِ دات کہ ھمے رنگیں کربانی دژمنءَ شکست دنت ءُ مئے راجءَ وتی منزلءَ زوت سر کنت ءُ بلوچ راج وتی زمین ئے واھند وت بیت.
اے وتن دیوانگیں سراں وتی ھک پیلو کت ءُ وتی زند اش پہ بلوچ راج ءُ بلوچ گلزمین ھاترءَ ندر کت ءُ راج ئے نوجواناں اے پیگام اِش دات کہ نوں وتن شمے کوپگائیں سنگتاں۔
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
