کچھ روز قبل بھی مستونگ میں غیر معیاری مٹھائی کھانے سے 55 افراد کی حالت غیر ہوگیا تھا
دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے ضلع مستونگ میں غیر معیاری کھانا کھانے سے خواتین بچوں سمیت 23 افراد کی حالت غیر ہوگئی ہے –
تفصیلات کے مطابق ضلع مستونگ کے تحصیل دشت کے علاقے خالق آباد میں غیر معیاری کھانا کھانے سے 23 افراد کی حالت غیر ہوگئی ہے –
تمام افراد کو مقامی اسپتال منتقل کرکے ابتدائی طبی امداد کے بعد 9 افراد کو کوئٹہ منتقل کردیا گیا ہے –
یاد رہے گزشتہ ماہ مستونگ کے علاقے کردگاپ میں مسجد میں تقسیم کی گئی میٹھائی کھانے سے 55 افراد کی حالت غیر ہوگئی تھی-
اس کے علاوہ ضلع خضدار کے تحصیل وڈھ میں اسی نوعیت کا واقعہ پیش آیا تھا جہاں مضر صحت مٹھائی کھانے سے تقریباً چالیس کے قریب بچے متاثر ہوئے تھے۔
