گوادر کے ساحلی علاقے جیونی میں پاکستان کوسٹ گارڈز کی ایک گشتی ٹیم پر نامعلوم مسلح افراد کے حملے میں دو اہلکار ہلاک ہو گئے ہیں۔
حکام کے مطابق واقعہ جمعے کی شام سمندری حدود کے قریب پیش آیا، جہاں اہلکار معمول کے گشت پر مامور تھے۔
مقامی ذرائع کے مطابق حملہ جیونی کے ساحلی مقام “مچیں کاپر” کے قریب پیش آیا۔ عینی شاہدین کا کہنا ہے کہ حملہ آوروں نے قریب پہنچ کر اہلکاروں پر اندھا دھند فائرنگ شروع کر دی۔فائرنگ کے نتیجے دو اہلکار موقع پر ہلاک ہوگئے۔
علاقائی ذرائع کا کہنا ہے کہ حملہ آور کارروائی کے فوراً بعد فرار ہوگئے۔
تاحال کسی تنظیم نے اس حملے کی ذمہ داری قبول نہیں کی۔
