بلوچ نیشنل موومنٹ کے چیئرمین خلیل بلوچ اور سیکریٹری جنرل ڈاکٹر مراد بلوچ نے بزرگ سیاسی رہنما حاجی انور ایڈوکیٹ کی بی این ایم میں شمولیت کو خوش آئند قرار دیتے ہوئے انہیں مبارک باد پیش کی اور کہا کہ یہ ایک مثبت پیش رفت ہے اور ہمیں امید ہے کہ وہ اپنی صلاحیت اور تجربہ کو قومی تحریک کیلئے مثبت انداز میں بروئے کار لاکر تحریک آزادی میں ایک اہم کردار ادا کریں گے۔
انہوں نے کہا حاجی انور ایڈوکیٹ کا طویل سیاسی سفر ، بیٹے کی شہادت اور خاندان کی قربانیوں کو بلوچ قوم قدر کی نگاہ سے دیکھتی ہے۔ بی این ایم میں ان کی شمولیت یقیناًایک مثبت پیشرفت ثابت ہوگی اور امید ہے کہ وہ بلوچ شہدا کی قربانیوں کی پاسداری کرکے آزاد بلوچستان کی جدو جہد میں بھرپور کردار ادا کریں گے۔
حاجی انور ایڈوکیٹ کا سویٹزرلینڈ میں طویل جلا وطنی میں خاموشی کے بعد بی این ایم کے پلیٹ فارم کا انتخاب پر خوش آمدید کہتے ہیں اور یہی توقع رکھتے ہیں کہ مغربی دنیا میں اظہار رائے کی آزادی کا فائدہ اُٹھا کر پاکستانی مظالم اور بلوچ مسئلہ کو دنیا کے سامنے پیش کرنے میں کردار ادا کریں گے۔
