بلوچستان کے ضلع کیچ کے علاقے زامران میں نامعلوم مسلح افراد نے ایک ٹرک کو اُس وقت نذرِ آتش کر دیا جب وہ پاکستانی فوج کے لیے لکڑیاں لے جا رہا تھا۔
یہ واقعہ اتوار کے روز زامران کے علاقے تگران میں پیش آیا، مقامی ذرائع کے مطابق، ٹرک فوجی چوکیوں کے لیے ایندھن کے طور پر لکڑی لے جا رہا تھا جب اسے راستے میں روکا گیا۔ اور ٹرک کو آگ لگا دی گئی۔
واقعے کے بعد حملہ آور فرار ہونے میں کامیاب ہو گئے۔ تاحال کسی نے اس حملے کی ذمہ داری قبول نہیں کی ہے، تاہم بلوچستان میں پاکستانی فورسز پر حملے ماضی میں بھی بلوچ آزادی پسند تنظیموں کی جانب سے ہوتے رہے ہیں۔
