تربت کے علاقے ناصر آباد میں آج پاکستانی فورسز کی گاڑی کو بم دھماکے میں نشانہ بنایا گیا۔
ذرائع کے مطابق دھماکہ اس وقت ہوا جب سیکیورٹی فورسز کا قافلہ گزر رہا تھا۔ دھماکہ انتہائی زور دار تھا، جس کی آواز دور دور تک سنی گئی۔
تاحال حکام نے ہلاکتوں یا زخمیوں کی تصدیق نہیں کی گئی۔
دھماکے کے فوراً بعد علاقے کو گھیرے میں لے کر سرچ آپریشن شروع کر دیا گیا ہے۔ ذرائع کے مطابق یہ حملہ ممکنہ طور پر ریموٹ کنٹرول ڈیوائس کے ذریعے کیا گیا۔
تاحال کسی تنظیم نے اس حملے کی ذمہ داری قبول نہیں کی، تاہم بلوچستان میں ماضی میں بھی سیکیورٹی فورسز کو بلوچ آزادی پسندوں کی جانب سے نشانہ بنایا جاتا رہا ہے۔
