بلوچستان میں بلوچ عوام کی جاری نسل کشی کے خلاف آج قلات میں بلوچ یکجہتی کمیٹی کے زیر اہتمام ایک احتجاجی ریلی نکالی گئی۔
مظاہرین نے کہاکہ جبری گمشدگیوں اور ماورائے عدالت قتل میں حالیہ اضافہ تشویشناک ہے۔
انہوں نے کہاکہ خوف کی فضا پیدا کرنے کے لیے نیٹ ورک اور انٹرنیٹ بند کرکے اختلاف رائے کو دبانے کی ریاستی کوششوں کے باوجود، قلات کے لوگوں نے لچک کا مظاہرہ کیا۔ انہوں نے ثابت کیا کہ ان کی راہ میں رکاوٹیں کھڑی کی جائیں، وہ بلوچ عوام کے ساتھ ہونے والی ناانصافی اور منظم جبر کے خلاف آواز بلند کرتے رہیں گے۔
مظاہرین نے کہاکہ ہم بلوچستان کے تمام لوگوں سے بھی مطالبہ کرتے ہیں کہ وہ پورے خطے میں جاری احتجاج میں بڑھ چڑھ کر حصہ لیں اور انصاف کی جنگ میں متحد ہو جائیں۔
مظاہرین نے کہاکہ ایک بار پھر بلوچستان بھر میں جبری گمشدگیوں سمیت ماروائے عدالت قتل میں تیزی لائی گئی ہے ۔ انہوں نے کہاکہ ریاست بلوچ قومی آواز کو خاموش کرنے کے لئے خوف کا ماحول پیداکرنے کے لئے نہتے لوگوں کو مار رہی ہے ۔
