بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ بیان میں کہا ہے کہ سرمچاروں نے قلات کے علاقے میں ٹیلی نار ٹاور کو فائرنگ کرکے ناکارہ بنادیا اور تمام مشینریز کو نذر آتش کردیا۔
انہوں نے کہا کہ بروز پیر سولہ ستمبر رات آٹھ بجے قلات کے علاقے ہربوئی مرجان میں بی ایل ایف کے سرمچاروں نے یہ کامیاب کاروائی سر انجام دی اور بحفاظت اپنے خفیہ مقام منتقل ہوگئے۔
ترجمان نے کہا کہ بی ایل ایف بحیثیت مسلح تنظیم ایک منظم و مربوط ڈھانچہ رکھتی ہے جو جدید دور کے تقاضوں کو اچھی طرح سمجھتی ہے اور اپنی قومی جنگ کو جدید تقاضوں کے مطابق ہم آہنگ کرنے کی لئے کوشاں ہے۔
انہوں نے کہا کہ آج کا جدید دور ٹیکنالوجی کا دور ہے اور بی ایل ایف کی ٹیکنیکل ٹیم جدید ٹیکنالوجی کو استعمال کرنے کے فوائد اور نقصان کے متعلق مکمل آگاہی رکھتی ہے۔
انہوں نے مزید کہا کہ بلوچستان لبریشن فرنٹ اس حملے کی ذمہ داری قبول کرتی ہے اور جاری جدوجہد کو منطقی انجام تک پہنچانے کا عہد کرتی ہے۔
