بلوچستان کے ضلع خضدار میں سی پیک روٹ پر مسلح افراد نے ناکہ بندی کرکے شاہراہ کا کنٹرول حاصل کیا جبکہ فورسز کو حملے میں نشانہ بنایا گیا۔
خضدار، ونگو کے مقام پر جمعہ کی شب مسلح افراد کی بھاری تعداد نے سی پیک روٹ پر چیک پوائنٹس قائم کرکے شاہراہ کا کنٹرول سنبھال لیا۔ علاقائی ذرائع کے مطابق مرکزی شاہراہ پر پوری شب اسنیپ چیکنگ جاری رہی۔
علاقے میں صبح کے وقت فورسز کو مسلح افراد نے حملے میں نشانہ بنایا۔ اطلاعات کے مطابق فورسز کی بکتر بند و دیگر گاڑیاں حملے کی زد میں آئیں جس کے نتیجے میں فورسز کو نقصانات کا سامنا کرنا پڑا۔
حکام نے اس حوالے سے کوئی تفصیلات جاری نہیں کیئے ہیں۔
