ڈیرہ غازی خان سے اطلاعات کے مطابق بلوچ اسٹوڈنٹس کونسل بہاولپور کے سابق چیئرمین اور اسلامیہ یونیورسٹی بہاولپور میں ایم فل پولیٹیکل سائنس کے طالبعلم زبیر بلوچ کو گزشتہ شب پاکستانی فورسز نے ان کے گھر سے جبری طور پر لاپتہ کر دیا۔
ذرائع کے مطابق زبیر بلوچ کو رات تقریباً ڈیڑھ بجے ڈیرہ غازی خان میں ان کی رہائش گاہ سے حراست میں لینے کے بعد نامعلوم مقام پر منتقل کر دیا گیا، جس کے بعد سے ان کے اہل خانہ کو ان کی کوئی اطلاع نہیں مل سکی۔
اہل خانہ نے زبیر بلوچ کی فوری بازیابی کا مطالبہ کرتے ہوئے خدشہ ظاہر کیا ہے کہ انہیں ماورائے آئین حراست میں رکھا گیا ہے۔ انہوں نے انسانی حقوق کی تنظیموں اور متعلقہ حکام سے اپیل کی ہے کہ زبیر بلوچ کو جلد از جلد منظر عام پر لایا جائے۔
واضح رہے کہ بلوچستان اور دیگر علاقوں سے تعلق رکھنے والے بلوچ طلبہ کی جبری گمشدگیوں کے واقعات پر پہلے بھی تشویش کا اظہار کیا جاتا رہا ہے۔
