پنجگور کے علاقے پروم گومازی کے مقام پر نامعلوم مسلح افراد نے پاکستانی فورسز کے اہلکاروں کو حملے میں نشانہ بنایا ہے۔
ذرائع کے مطابق فورسز کے اہلکار ایک قافلے کو سیکیورٹی فراہم کرنے کے لیے علاقے میں واقع ایک خالی مورچے میں پہنچے تھے کہ اسی دوران گھات لگائے حملہ آوروں نے ان پرحملہ کر دیا۔
حملہ شدید نوعیت کا بتایا جا رہا ہے، جس کے نتیجے میں ہلاکتوں کی اطلاعات موصول ہوئی ہیں، تاہم سرکاری سطح پر تاحال کسی جانی نقصان کی تصدیق نہیں کی گئی۔
علاقائی ذرائع کا کہنا ہے کہ حملے کے دوران پاکستانی فورسز کا ایک کواڈ کاپٹر بھی تباہ ہو گیا۔ حملے کی ذمہ داری تاحال کسی نے قبول نہیں کی ہے۔
