بلوچستان کے ساحلی علاقے پسنی کے قریب کوسٹل ہائی وے پر شتنگی کے مقام پر جمعہ کے روز نامعلوم مسلح افراد نے ناکہ بندی کر کے ٹریفک معطل کر دی۔
عینی شاہدین کا کہنا ہے کہ مسلح افراد نے ناکہ بندی کے دوران متعدد گاڑیوں کو روکا، جن میں گیس لے جانے والے ٹرک بھی شامل تھے، اور بعض گاڑیوں کو جزوی نقصان پہنچایا گیا۔
تاہم فوری طور پر کسی جانی نقصان کی اطلاع موصول نہیں ہوئی۔
ذرائع کے مطابق مسلح افراد کچھ وقت تک موقع پر موجود رہے اور بعد ازاں وہاں سے چلے گئے، جبکہ واقعے کی ذمہ داری تاحال کسی نے قبول نہیں کی ہے۔
