بلوچستان کے ضلع کیچ کے مرکزی شہر تربت کے
ٹیچنگ ہسپتال میں مناسب طبی سہولیات کی عدم دستیابی سے ٹائیفائڈ میں مبتلا طالبہ جان بحق ہوگئی۔
اطلاع کے مطابق ہیرونک سے تعلق رکھنے والی طالبہ ٹیچنگ ہسپتال تربت میں ٹائیفائڈ کا مناسب علاج نہ ملنے کے باعث جان بحق ہوگئے۔ انہیں بخار کے باعث ٹیچنگ ہسپتال تربت لایا گیا جہاں انہیں ٹائیفائڈ کی تشخیص کی گئی تاہم غیر موثر علاج کے باعث انہیں تربت سے کراچی لے جانے کی کوشش کی گئی تاہم وہ کراچی پہنچنے سے قبل چل بسی۔
واضح رہے کہ بلوچستان کے اکثر بڑے شہروں میں صحت کی سہولت نہ ہونے کی وجہ سے مریضوں کو کراچی منتقل کیا جاتا ہے جن میں بیشتر راستے میں دم توڑ جاتے ہیں۔
بلوچستان کا دوسرا بڑا شہر تربت میں صحت کی سہولیات کا یہی صورتحال ہے کہ ملیریا اور ٹائفیڈ کے مریضوں کو بھی کراچی منتقل کیا جاتا ہے۔
یاد رہے کہ بلوچستان کے موجودہ وزیر صحت احسان شاہ کا حلقہ انتخاب تربت کے علاوہ بلوچستان بھر صحت کے شعبہ صورتحال انتہائی سنگین ہے۔
