بلوچ لبریشن آرمی کے ترجمان جیئند بلوچ نے میڈیا کو فراہم کردہ بیان میں کہا ہے کہ سرمچاروں نے گوادر کے علاقے پسنی میں قابض پاکستانی فوج کے قافلے کو ایک منظم اور مہلک حملے میں نشانہ بنا کر دشمن کو بھاری جانی ومالی نقصانات سے دوچار کیا۔
ترجمان کے مطابق بی ایل اے کے خصوصی دستے ‘اسپیشل ٹیکٹیکل آپریشنز اسکواڈ’ “ایس ٹی او ایس” نے پسنی کے علاقے کبڑی میں شادی کور کے قریب قابض پاکستانی فوج کی تین گاڑیوں کے قافلے میں شامل ایک گاڑی کو ریموٹ کنٹرولڈ آئی ای ڈی حملے کا نشانہ بنا کر مکمل طور پر تباہ کر دیا۔
جیئند بلوچ کے مطابق اس دھماکے کے نتیجے میں گاڑی میں سوار قابض پاکستانی فوج کا میجر وجاہت سمیت 7 اہلکار موقع پر ہی ہلاک ہوگئے۔
ترجمان نے مزید کہا ہے بلوچ لبریشن آرمی اس حملے کی ذمہ داری قبول کرتی ہے، آزاد وخود مختار بلوچستان کے قیام اور قابض فوج کے مکمل انخلاء تک ہماری یہ کارروائیاں مزید شدت کے ساتھ جاری رہیں گی۔
