تربت میں ریاستی فورسز پر دستی بم حملے کی ذمہ داری قبول کرتے ہیں۔ بی ایل ایف

183

بلوچستان لبریشن فرنٹ کے ترجمان میجر گہرام بلوچ نے تربت میں ریاستی فورسز پر دستی بم حملے کی ذمہ داری قبول کرتے ہوئے میڈیا میں جاری بیان میں کہا کہ سرمچاروں نے کیچ کے مرکزی شہر تربت میں 6 جنوری بروز جمعہ مچھلی مارکیٹ کے قریب پولیس کی ایگل فورس کے اہلکاروں کو دستی بم سے نشانہ بنایا، جس سے ایک اہلکار زخمی ہوا۔

انہوں نے کہا کہ مذکورہ مقام پر پہلے پاکستانی  ایف سی کی چوکی تھی جس پر پے در پے حملوں کے بعد دشمن ریاست نے اپنی فوج کے بجائے پولیس کو تعینات کیا۔ ہم پولیس کو پہلے بھی تنبیہ کر چکے ہیں کہ وہ قابض ریاستی فوج کی بی ٹیم بننے سے گریز کرے۔ مگر کچھ عرصے سے دیکھا جا رہا ہے کہ پولیس برائے راست پاکستانی فوج کے لیے کام کر رہی ہے۔ اگر یہ سلسلہ جاری رہا تو سرمچار ان پر بڑے حملے کرنے پر مجبور ہوں گے۔ دشمن ریاست کا معاون کار کوئی بھی ہو اسے نشان عبرت بنایا جائے گا۔