بلوچ نیشنلسٹ آرمی کے ترجمان مرید بلوچ نے بیان جاری کرتے ہوئے کہا ہے کہ بی این اے کے سرمچاروں نے 19 دسمبر بروز سوموارکو خضدار شہر کے مرکزی شاہراہ عمر فاروق چوک پر ڈیتھ اسکواڈ کے بدنام زمانہ سرغنہ شکیل درانی کے کارندوں پر یکے بعد دیگر دو ریموٹ کنٹرول بم حملے کیے۔
ترجمان نے دعویٰ کیا کہ ہمارے سرمچاروں نے ڈیتھ اسکواڈ کے کارندوں کو اس وقت نشانہ بنایا جب وہ شکیل درانی کے ٹھکانے پرجارہے تھے۔
انہوں نے مزید کہا کہ حملے کے نتیجے میں کارندے زخمی ہوئے، دریں اثنا حملے کی زد میں آکر چند بلوچ شہری بھی زخمی ہوگئےجس پر تنظیم افسوس کا اظہار کرتی ہے تاہم ہم واضح کرنا ضروری سمجھتے ہیں کہ یہ حملہ بلوچ راہ گیروں کو بچانے کیلئے حکمتعملی کے تحت کیا گیا تھا مگر پہلے دھماکے کے بعد چند شہری حملے کے مقام پر جمع ہوگئے جنہیں دوسرے دھماکے کے وقت نقصانپہنچا۔ ہم پہلے بھی کئی مرتبہ بلوچ عوام کو خبردار کرچکے ہیں کہ پاکستانی فوج اور ان کے آلہ کاروں پر جب کہیں بھی کوئی حملہہو تو وہ وہاں سے دوری اختیار کریں۔
ترجمان نے کہا ہے کہ شکیل درانی پاکستانی فوج و خفیہ اداروں کا ایک اہم مہرہ ہے جو عرصہ دراز سے باپ پارٹی کے نام نہادسیاسی لبادے میں خود کو چھپا کر اپنے کرائے کے کارندوں کے ہمراہ بلوچ نسل کشی کے تمام پہلوؤں میں کردار ادا کررہا ہے۔
انہوں نے کہا کہ ہماری اسطرح کی کارروائیاں قابض کی بلوچستان سے مکمل انخلا اور آزاد بلوچستان کے حصول تک تیزی کے ساتھجاری رہیں گی.
