ایران کے پاسداران انقلاب کا کہنا ہے کہ اس حملے میں شمالی عراق کے کرد علاقے میں “دہشت گرد” گروہوں کو نشانہ بنایا گیا۔
شمالی عراق کے خود مختار کرد علاقے کے دارالحکومت اربیل کے قریب ایران کی طرف سے داغے گئے راکٹوں میں سے ایک ایرانی کردپارٹی کے ہیڈکوارٹر پر گرنے سے کم از کم ایک شخص ہلاک ہوگیا۔
کوئے کے میئر طارق حیدری کے مطابق پیر کو ہونے والے حملے میں 10 دیگر زخمی بھی ہوئے۔
ایران کی فارس نیوز ایجنسی نے کہا ہے کہ اس حملے کے پیچھے پاسداران انقلاب کا ہاتھ تھا، جس کا کہنا تھا کہ میزائلوں اور ڈرونزسے “دہشت گرد گروہوں” کو نشانہ بنایا گیا۔
IRGC نے 16 ستمبر کو ایرانی کرد خاتون مہسا امینی کی ہلاکت کے بعد سے شمالی عراق کے کرد علاقے میں ایرانی کرد عسکریتپسند اپوزیشن کے ٹھکانوں پر حملے شروع کر دیے ہیں۔
امینی کی موت، جو ایران کی اخلاقیات پولیس کے ہاتھوں حراست میں لیے جانے کے بعد ہوئی، کئی ہفتوں سے جاری مظاہروں کا باعثبنی۔
ایران نے شمالی عراق میں کرد عسکریت پسندوں پر بدامنی کو ہوا دینے کا الزام لگایا ہے جس نے ملک کو اپنی لپیٹ میں لے رکھا ہے۔
