بلوچستان کے ضلع کیچ کے مرکزی شہر تربت میں کوہ مراد کی زیارت کے لئے بلوچستان سمیت سندھ اور دیگر علاقوں سے ذکری زائرین کی آمد کا سلسلہ جاری ہے –
اس سلسلے میں پیدل اور دیگر ذرائع استعمال کرتے ہوئے زائرین کی بڑی تعداد جن میں خواتین، بزرگ اور بچے بھی شامل ہیں تربت کا رخ کرتے ہیں –
ذرائع کے مطابق کیچ کے علاقے ڈنڈار میں گذشتہ شب ایک قافلے کو پاکستانی فورسز نے روک کر انہیں فوجی کیمپ منتقل کردیا جن میں خواتین بھی شامل تھے –
اطلاعات کے مطابق دیگر زائرین کو کئی گھنٹوں کی حراست کے بعد چھوڑ دیا گیا تاہم ناکو ابراہیم نامی بزرگ کو تحویل میں لیا گیا ہے۔ حراست میں لینے کی وجہ سیکورٹی فورسز نے نہیں بتائی۔
علاقائی افراد نے سیکورٹی فورسز کے رویہ پر شدید تنقید کرتے ہوئے کہا کہ یہاں آئے روز لوگوں کو ہراساں کرکے لاپتہ کردیا جاتا ہے اب زائرین کو بھی پریشان کیا جارہا ہے –
