بلوچستان لبریشن فرنٹ کے ترجمان میجر گھرام بلوچ نے نامعلوم مقام سے میڈیا کو جاری کردہ اپنے ایک بیان میں کہا کہ آج بروز ہفتہ صبح سات بجے ہمارے سرمچاروں نے ضلع کیچ میں مند کے علاقے چکاپ میں ایران بلوچستان سرحد پر باڑ لگانے والی کمپنی کے کارندوں اور ان کی سیکورٹی پر معمور فوجی اہلکاروں پر حملہ کیا۔
میجر گہرام بلوچ نے کہا کہ اس حملے میں تعمیراتی کمپنی اور ان کی سیکورٹی کے پانچ اہلکار ہلاک اور دو زخمی ہوئے ہیں۔
انہوں نے کہا کہ حملے کے بعد پاکستانی فوج کے جنگی ہیلی کاپٹروں نے علاقے میں پروازیں شروع کیں۔ اورفوجی اہلکار اپنے ہلاک و زخمیوں کو لے جانے کے لیے جلد ہی جائے وقوعہ پر پہنچ گئے۔
بی ایل ایف کے ترجمان میجر گہرام بلوچ نے کہا کہ پاکستانی فوج اور ریاستی معاونت کاروں کیخلاف اس طرح کے حملے بلوچستان کی آزادی تک جاری رہیں گے۔
