بلوچستان کے ضلع گوادر کے شہر پسنی میں پاکستان کوسٹ گارڈ کے گاڑی کو نامعلوم افراد نے بم حملے میں نشانہ بنایا ہے جس کے نتیجے میں اہلکاروں کے جانی اور مالی نقصانات کی اطلاعات ہیں۔
ذرائع کے مطابق پسنی کے مرکزی شہر میں ہائی سیکنڈری اسکول کے گراؤنڈ میں پاکستان کوسٹ گارڈ کے گاڑی کو نامعلوم افراد نے دستی بم حملے میں نشانہ بنایا اور فرار ہوگئے۔
حملے کے نتیجے میں اہلکاروں کے جانی اور مالی نقصانات کے خدشے کا اظہار کیا جارہا ہے تاہم حکام نے تاحال اس حوالے سے کوئی تفصیلات فراہم نہیں کیے ہیں۔
