بلوچستان نیشنل پارٹی کے سربراہ سردار اختر مینگل نے کراچی سے متصل بلوچستان کے صنعتی شہر حب اور ساحلی علاقہ گڈانی کے ایک روزہ دورہ کے موقع پر صحافیوں سے گفتگو کرتے ہوئے کہا کہپی ڈی ایم کو 30سال قبل بننا چاہیے تھا۔
انہوں نے کہا کہ دیر آید درست آید پی ڈی ایم کا مقصد حقیقی جمہوری اداروں کی مضبوطی ہے۔
انہوں نے کہا کہ پی ڈی ایم سے رابطے کیے گئے ہیں لیکن ہم نے مذاکرات سے انکار کیا ہے۔
ایک سوال کے جواب میں انہوں نے کہا کہ جب بھی موقع ملا بلوچستان حکومت کی گندگی کو صاف کرنے کا قدم اٹھائیں گے۔
سرادر اختر نے کہا کہ سی پیک سے بلوچستان کو کوئی فائدہ نہیں ملنے والا جزائر پہ قبضہ کیا جارہا ہے۔
انہوں نے کہا کہ پی ڈی ایم حکومتی خاتمے کے لیے ہر سطح پر احتجاج کا حق رکھتی ہے، وقت آنے پر قومی اسمبلی سے استعفوں کا لائن لگے گا پھر حکومت بھی ڈھیر ہوجائیگی۔
