اطلاعات کے مطابق بلوچستان کے ضلع کیچ سے دو نوجوان لاپتہ کردیئے گئے
مقامی ذرائع کے مطابق تین روز قبل تربت کے علاقے پیدارک میں نامعلوم مسلح افراد نے وقار ولد ہاشم نامی شخص کو اسکے دکان سے زبردستی اغواء کرکے اپنے ہمراہ لے گئے ۔
دوسری جانب تربت سے دشت جاتے ہوئے عبدالقدوس نامی نوجوان نامعلوم افراد کے ہاتھوں اغواء ہونے کے بعد تاحال لاپتہ ہے ۔
لاپتہ نوجوان کے لواحقین کے مطابق ایک ہفتے قبل عبدالقدوس تربت سے دشت جارہا تھا کہ راستے میں ہی مسلح افراد نے اسے اغواء کرلیا ہے ۔
یاد رہے بلوچستان میں جبری گمشدگیوں کے واقعات میں کافی اضافہ ہوا ہے جن میں ریاستی خفیہ ادارے اور خفیہ اداروں کی پشت پناہی میں چلنے والے جرائم پیشہ گروہوں جنہیں ڈیتھ اسکواڈ کے نام سے بھی پکارا جاتا ہے ملوث بتائے جاتے ہیں۔
