پشتون قوم کو سمجھنا چاہئے کہ پاکستان میں ان کے لئے کوئی جگہ نہیں۔ ڈاکٹر اللہ نظر

پی ٹی ایم کے پرامن احتجاج پر پاکستان کے آرمی کے حملے کی سخت مذمت کرتا ہوں۔

ان خیالات کا اظہار بلوچ آزادی پسند رہنما ڈاکٹر اللہ نظر بلوچ نے پشتون تحفظ موؤمنٹ کے کارکنوں پر گذشتہ روز وزیرستان میں پاکستانی فوج کے حملے کے ردعمل میں کیا۔

ٹی بی پی نمائندہ سوشل میڈیا کے مطابق ڈاکٹر اللہ نظر بلوچ نے سماجی رابطوں کی ویب سائیٹ ٹوئیٹر پر اپنے بیان میں کہا کہ
پاکستانی فوج ایک وحشی فوج ہے اور یہی اس کی نشانی ہے۔

پشتون تحفظ موومنٹ کے پر امن احتجاج پر حملے کی مذمت کرتے ہوئے انہوں نے کہا کہ میں پی ٹی ایم کے پرامن احتجاج پر پاکستان کے آرمی کے حملے کی سخت مذمت کرتا ہوں۔ یہ وحشی آرمی کے ضابطہ اخلاق کی نشانی ہے جسے بنگالی اور بلوچ بہت پہلے سہہ چکے ہیں۔ پختون قوم کو یہ سمجھنا چاہیے کہ پاکستان میں ان کے لئے کوئی جگہ باقی نہیں ہے۔ انہیں ضرور مزاحمت کرنا چاہیے ۔

I strongly condemn #PakistanArmy‘s attack on peaceful protest of #PTM. Its the signature code of conduct of the barbaric army as Bengalis and Baloch have endured it for long. Pakhtun nation must understand that there is no room left for them in Pakistan. So they must resist.

— Dr Allah Nizar (@DrAllahNizar_) May 27, 2019

خیال رہے کہ اتوار کے روز شمالی وزیرستان میں پی ٹی ایم کے کارکنان پر اس وقت فائرنگ کی گئی جب وہ دھرنے میں شرکت کے لیے جارہے تھے۔