پاکستان کے صوبہ پنچاب کے شہر فیصل آباد میں گذشتہ روز پاکستان ڈیموکریٹک موومنٹ کے زیر اہتمام ایک جلسہ عام سے خطاب کرتے بلوچستان کے سابق وزیر اعلیٰ ڈاکٹر عبدالمالک بلوچ نے کہا کہ جنرل مشرف کی لگائی گئی آگ سے بلوچستان آج بھی جھلس رہی ہے۔
انہوں نے کہا کہ بلوچستان میں عورتیں، بچے، بوڑھے، جوان کوئی بھی محفوظ نہیں ہیں پچھلے ایک ہفتے سے دو معصوم بچوں کی لاشیں کوئٹہ میں احتجاجا موجود ہیں نا حکومت اور نا ہی کوئی ادارے ٹھس سے مس نہیں ہورہے۔
انکا کہنا تھا کہ اس ملک میں اس وقت تک پارلیمنٹ کی بالادستی نہیں ہوگی پاکستان ایک مضبوط فیڈریشن ایک ویلفئیر اسٹیٹ نہیں بن سکتا جب تک پنجاب کے عوام اٹھ کھڑے نہیں ہونگے، بلوچستان میں ہم دو جماعتوں کو کہا گیا کہ اپوزیشن چھوڑ دو ورنہ الیکشن سے باہر کردیئے جاو گے ہم نے کہا ہمیں الیکشن سے باہر کرسکتے ہو مگر عوام سے نہیں۔
انہوں نے اپنے خطاب میں کہا گیا ہے ملک میں مہنگائی، بے روزگاری اور مفلسی عروج پر ہے، جمہوریت کو مستحکم کرنے کے لیئے شفاف اور غیر جانبدار الیکشن نہایت ضروری ہے۔
