بلوچستان کے ضلع ڈیرہ بگٹی کے علاقے پیر کوہ گیس فلیڈ میں پانی کی شدید قلت کے خلاف عوام سراپا احتجاج بن گئے۔
شہریوں کی بڑی تعداد نے بدھ کے روز ریلی نکالی اور پیر کوہ بازار میں احتجاجی مظاہرہ کیا۔
احتجاجی مظاہرین نے پانی کی عدم فراہمی پر برہمی کا اظہار کرتے ہوئے کہا کہ پاکستان بھر کو گیس فراہم کرنے والے ڈیرہ بگٹی کے باسی بوند بوندپانی کے محتاج ہیں۔
انہوں نے کہا کہ انسانوں کے ساتھ ساتھ ہمارے مال مویشی پیاس سے مر رہےہیں۔
مظاہرین نے مطالبہ کیا کہ سیاسی اور وردی والے نمائندےاس انسانیت سوز روئیے کا نوٹس لے کر پانی کی فراہمی کو یقینی بنائیں۔
مظاہرین نے کہا کہ اگر مسئلہ حل نہ ہوا تو ہزاروں لوگ کوئٹہ یا اسلام آباد تک لانگ مارچ کرینگے۔
