بلوچ ایجوکیشنل کونسل بہاولپور نے اپنے جاری کردہ بیان میں بلوچستان ڈائریکٹریٹ کی رویے پر تشویش کا اظہار کرتے ہوئے کہا کہ بلوچستان ڈائریکٹریٹ کی جانب سے بلوچستان کے سٹوڈنٹس کے لئے مختص کردہ نشستوں کا لسٹ آویزاں نہ کرنا بلوچستان کے سٹوڈنٹس میں بے چینی پیدا کررہا ہے پنجاب کے زیادہ تر تعلیمی اداروں میں نئے سمسٹرز کے کلاسسز کا آغاز ہو چکا ہے اور عنقریب ہی تعلیمی اداروں میں امتحانی سلسلہ شروع ہونے جارہاہے اور ابھی تک ڈائریکٹریٹ کی جانب سے بلوچستان کے سٹوڈنٹس کے لئے مختص کردہ نشستوں کا لسٹ آویزاں نہ کرنا سمجھ سے بالاتر ہے
ڈائریکٹریٹ کی سست روی اور غفلت کی وجہ سے بلوچستان کے سٹوڈنٹس کی سسمٹرز ضائع ہونے کا خدشہ ہے جو کسی بھی طرح برداشت نہیں کیا جاسکتا ہے اس طرح کے تعلیم دشمن پالیسیز کے ذریعے بلوچستان کی سٹوڈنٹس کے مستقبل کے ساتھ کھیلنا بند کیا جائے
حال ہی میں بلوچستان کے سٹوڈنٹس نے ملتان سے لیکر لاہور تک پیدل مارچ کی اور پنجاب کے ہر شاہراہ پر اپنے تعلیمی حق کے لئے آواز بلند کرتے رہے اور اپنا حق حاصل کرنے میں کامیاب ہوگئے
بلوچ ایجوکیشنل کونسل بہاولپور نے اپنے بیان کے آخر میں کہا کہ سٹوڈنٹس کا تعلیمی سال ضائع کیے بغیر جلد از جلد بلوچستان کے سٹوڈنٹس کے لیے مختص کردہ نشستوں کا لسٹ آویزاں کیا جائے بصورت دیگر سخت لائحہ عمل اپنائیں گے۔
