انہوں نے کہا ہے کہ ایک بے گناہ انسان اور اپنے والدین کے امیدوں اور آرزوں کے مرکز کو بناء کسی جرم کے قتل کرنا آئین پاکستان کی خلاف ورزی اور انصاف کا قتل عام ہے۔
بیان میں کہا گیا ہے کہ سکیورٹی اہلکاروں کی ذمہ داری بنتی ہے کہ وہ اپنے عوام کی حفاظت کو یقینی بنانے کے لئے اقدامات اٹھائیں نہ کہ بناء کسی جرم کے معصوم لوگوں کو فائرنگ کرکے قتل کریں۔
مزید کہا گیا ہے کہ بلوچ یکجتی کمیٹی اس ناحق قتل عام کی مذمت کرتی ہے اور پاکستان کے اعلیٰ اداروں سے اپیل کرتی ہے کہ وہ حیات مرزا کو انصاف دلانے کے لئے اپنا کردار ادا کریں تاکہ بلوچ معاشرے میں خوف کی جو فضاء قائم ہوچکی ہے اس کا قلع قمع کیا جاسکے۔
بیان میں کہا گیا ہے کہ بلوچ یکجتی کمیٹی کراچی بلوچ طالب علم حیات مرزا کے ناحق قتل کے خلاف کراچی پریس کلب کے سامنے اتوار شام چار بجے احتجاجی مظاہرہ کریں گی۔ تمام انسان دوست، طالب علموں، اساتذہ اور مختلف طبقہ فکر کے لوگوں سے شرکت کی اپیل کی جاتی ہے۔
