بلوچستان کے ضلع کیچ کے مرکزی شہر تربت میں نامعلوم افراد کی جانب سے فورسز چوکی کو دستی بم حملے میں نشانہ بنایا گیا ہے۔
حملہ حمید شہید چوک پر ایک میڈیکل سٹور کے چھت پر قائم آرمی کے چوکی پر کیا گیا۔
ذرائع کے مطابق چوکی میں حملے کے وقت چار اہلکار موجود تھے جبکہ دھماکے کے نتیجے میں چوکی کو شدید نقصان پہنچا ہے۔
حکام کی جانب سے تاحال حملے کے نتیجے میں جانی نقصانات کے حوالے سے تفصیلات نہیں بتائے گئے۔
تربت شہر اور گردونواح میں فورسز اہلکاروں اور حکومتی حمایت یافتہ افراد کو بلوچ مسلح آزادی پسند تنظیموں کی جانب سے نشانہ بنایا جاتا رہا ہے تاہم آج ہونے والی حملے کی ذمہ داری آخری اطلاعات تک کسی تنظیم کی جانب سے قبول نہیں کی گئی۔
