دی بلوچستان پوسٹ نیوز ڈیسک کے مطابق آج بلوچستان میں مختلف واقعات و حادثات میں ایک خاتون سمیت دو افراد جانبحق اور پانچ افراد زخمی ہوئے ہیں۔
تفصیلات کے مطابق آج ڈیرہ مراد جمالی میں ٹرین کی ٹکر سے کار میں سوار دو افراد نوید رخشانی اور بلال زخمی ہوگئے ہیں تھے۔ زخمیوں کو طبی امداد کے لیے قریبی سول ہسپتال منتقل کردیا گیا ہے۔ ریلوے پھاٹک نا ہونے کی وجہ سے ایسے واقعات معمول بنتے جارہے ہیں۔
دریں اثناء جعفرآباد کے علاقے ڈیرہ اللہ یار کے حدود محبت شاخ منظور احمد ہجوانی میں سیاہ کاری کے شبہے میں ایک خاتون کو قتل کردیا گیا۔ قتل کے بعد چوری چھپے خاتون کی لاش کو دفنانے کی کوشش کی جارہی تھی تب خفیہ اطلاع پر پولیس کی بر وقت کاروائی کی وجہ سے تھانہ ملک محمد علی شہید کے ایس ایچ او نے لاش کو برآمد کر کے دو ملزمان کو گرفتار کر لیا مزید تفتیش جاری ہے۔
آج بیلہ ، مین آر سی ڈی شاہراہ کھکھر گولائی کے مقام پر ایک حادثہ پیش آیا جس میں ایک شخص جاں بحق اور ایک زخمی ہوگیا۔ زخمی شخص کو سول ہسپتال بیلہ منتقل کردیا گیا۔
دریں اثناء نوشکی کلی جمالدینی میں دو گروپوں میں لڑائی کی وجہ سے ابرار ولد حاجی محمد اکبر شدید زخمی ہوگئےجنہیں سول ہسپتال میں ابتدائی طبی امداد کے بعد کوئٹہ ریفر کر دیا گیا۔
