شبیر بلوچ ءِ بیگوائی ءَ را دو سال سرجم بوت
نبشتہ کار: ھمل بلوچ
دی بلوچستان پوسٹ
چُش کہ ما دُگنیا ءِ کُجام ھم راجدپتر ءَ چمشانکے بدے اَنت گُڑا ما ھمے سرپد بنت کہ نوجوان طبکہ ءِ یک کِردے مارا گندگ ءَ کیت ـ چُش کہ ما ہندوستان ءِ درور ءَ بُزور انت ہندوستان ءِ تہءَ بھگت سنگ ، راج گرو ءُ سُکدیپ ءِ کِرد مئے دیم ءَ پدر اِنت وتی راجی آجوئی ءِ واستہ پاھوئے ساد ءَ چُک اَنت بلے چہ وتی منزل ءُ مکسد ءَ پُشت نہ جَننت پد ہم نَہ کِنزانت ـ
انچوش کہ ما بلوچ راجدپتر ءَ چمشانکے بِدا اَنت گُڑاں مارا ھمید جان ءِ درور گندگ ءَ کیت ـ
ھمیدجان دشت کُنچتی ءَ جامند بیت ھمید جان ءِ اندر ءَ راجی گلامی ءِ مارشت بے کساس بیت مشکت ءِ پُوج وھدے کہ تربت ءَ کیت لَس مھلوک ءِ برتی کنگ ءَ گُڑا ھمید جان مھلوک ءَ برتی بوگ ءِ ھلاپ ءَ گپ جنت بلوچ پپسگاں مشکتی پوج ءَ ھوار بوھگ ءَ نہ من اِیت پرچکہ بلوچ وت یک گلامیں راجے گلامی ءِ زندے آماچ انت مرچی پاکستان ءُ مشکت ءَ شور کُرتگ کہ ھمےبلوچ پرزنداں مشکت ئے تَہ ءَ آجوئی لوٹوکیں راج ءِ ھلاپ ءَ کار بکن اَنت ءُ ھماوانی ارزانی ءَ نشانگ ءَ بیا اَنت ـ
ھما گلامیں راج زفاری یے نام ءَ زانگ بیت کہ مشکت ءِ زوراکیں پوج ءَ آہانی سرڈگار کبزہ کُتگ ءُ دود ربیدگ ،رسم رواج لگت مال کُتگ انگت زفاری ءِ پُسگانی کُشگ ءُ ھتم کنگ ءَ لانک بستگ پدا مشکتی پوج مئے بلوچاں ھمے زفاریانی چُک چینی ءَ کارمرزک کنگ لوٹیت ـ دومی گپ پاکستان ءَ ھمے لوٹیتگ اَت کہ یکدیم ءَ من بلوچ پسگانی کُشگ ءُ گار کنگ ءَ مشکول باں ءُ دومی دیم ءَ مشکت ءِ دست ءَ بلوچ ءِ پسگان کشائیناں یک دیمئے ءَ بلوچ گل ءُ شاد بیت کہ پاکستان مارا مشکت ئے پوج ءَ ھوار کنگ ءَ اِنت مئے روزگار ءُ کار بیت دومی نیمگ ءَ آجَنّگ بنت بَلے بلوچ راج ءِ ورنا پاکستان سائیں پندلاں سرپد باں گُڑا ھمے وھد ءَ ھمید جان مشکت ءِ پُوج ءِ مسترئے دست ءِ تُپنگ ءَ پچگیت ءُ ھمے یک مسترے جَنت ھمے وھد ھمید جان ءَ پاکستان ءِ پوج دزگیر کنت بندیگ کنت پدا چیزے وھد ءَ رند ھمید جان ءَ پاھو دیاں ھمید جان پاھو گورا کنت ءُ چُکیت وتی راج دوستی ءُ زمین دوستی ءِ گوائی ءَ دنت ـ
دگہ بازیں کسہ انچیں اَست کہ آ ورناہانی کِرد ءَ مئے دیم ءَ پدر کنت کہ آوان وتی نُگرائیں جان پہ وتی راج ءِ باندات ءِ ھاترا کُربان کُتگ بلے ما بلوچ راجدپترا ءِ نیمگ ءَ چم شانک ءِ بدینت گڑا آھدا مارا بازیں نوجوان ئے گِندگ ءَ کیت چہ آوان یک نوجوان ءِ شبیر جان اِنت کہ وتی کوم ءِ آجوئی ھاترا جد ءُ جہد کنت وتی زندے ہرواھگ ءُ واہشتاں کُشیت ـ
شبیر جان بی اسی او آزاد ءِگوستگیں بنجائی شنگکار بوتگ شبیر جان ءَ وتی گلامیں کوم ءَ را یک نوکیں زندے بکشگءِھاترا باز جہد کُرت شبیر جان آواران لباچ ءَجاہ مِنند ئے اَت شبیر جان ءَ وتی جہد ءُ کوشست تہنا آواران ءَ گونڈ گیرنہ کُرتگ بلکیں بازیں جاہ ءُدمگاں بلوچستان ءِ تہ ءَ گولیتگ ءُ وتی بلوچ راج ءِبزگی ءُبد ھالیءِبابت ءَ کومی آجوئی ھاترا آگائی داتگ شبیر جان ءَ وتی راج ءَ ھمے کَلو دات وتی نوجوان ءَ بوانینت تعلیم دان جوڈ بکن اِت تانکہ ار کجام جیڑئے بابت ءَشھوری پیسلہ بکناں ـ ابید وانگ ءَ ما وتی منزل ءَ کدی سر بوت نَکن ایں اگاں ما سر بیں گُڑا وتی راج ءِ چاگردی جہل ءُ برزاں کمی گیشاں ھم دپ کرت نَکن ایں ءُ وتی سرزمینءَ ھم داشت کُت نَکن ایں.
شبیر جان ءَ وتی گلامیں کوم ءِ رکینگ ءَ ھاترا باز جہد کُرت ءُ شپ ءُ روچ وتی گَل ءِ کاراں دست گَٹ اَت شبیر جان ءَ دَمبرگ ءِ نام نزات شبیر جان یک مہروانیں سنگت ءِ اَت مدام کندگ ءَ اَت شبیر جان مرچی مئے دیم ءَ ساڑی نہ اِنت شبیر جان گون ھوار بازیں سنگت ءِ پاکستان ءِ فوج ءَ گار ءُ بیگواکُرتگ انت بازیں سنگت ءِ شہیدکُرتگ ءُ آوانی لاش ما ویران ءُ جنگلان دور داتگ انت ـ
بازیں بلوچ ورنائے تا مروچی گار ءُبیگواہ انت بی ایس او آزاد ءِ لیڈر گوستگیں سر کماش واجہ زاہد جان، زاکر جان ،نصیر جان ،احسام بلوچ ، عزت بلوچ ءَ ھوار دگہ بازیں سنگت ءِگار ءُ بیگواہ کُرتگ ءُ وتی ازیت گاآں بند کُرتگ انت وڑ وڑیں ازیت سَگگءَ اَنت اشان دگہ ھچ گپ نہ جَتّگ اشاں وتی کومی بزگی ءُ بدھالی ئے گپ جَتّگ ءُ وتی سرزمین ءِ رکینگ ءِ جار جَتگ وتی بدھالیں کوم ءَرا یک نوکیں زندے دہگہ واستہ جہد کُرتگ بَلے پاکستان ءِ تہءَ وتی کوم ءِ ھاتر ءَ سیاست یک جُرم ءِ نام ءَ زانگ بیت ا گاں نہ گُڑا مئے راہشوناں مرچی زندان ءَ بندیگ نہ بوتاں ءُ کُشگ ءُ دور دیگ نہ بوتاں ھمے رنگ ءَ شبیر جان وتی کومی ءِ وت واجہ ءُ ھُد مکتاریں مُلک ئے گپ جَتّگ ءُ لھمیں تَرز ءَ سیاست ءِ بھر بوتگ ءُ جد ءُ جہد کُرتگ بَلے زورگیریں اِستان ءَ شبیر جان ءَ برداشت نہ کُرت.
4 اکتوبر 2016ءَ شبیر جان ءَ آھی لوگ بانوک زرینہ ءِ دیم پہ دیم ءَ پاکستانی پوج ءَ چہ تربت گورکوپ ءَ آوار جَت گوں وت بُرت. شبیر جان ءَ مروچی دو پورائیں سال سرجم اِنت انگت گار ءُ بیگواہ اِنت.
شبیر جان ءِ کَستریں گُہار سیمہ ءُ آئی ءِ لوگ بانوک زرینہ ءَ اِھتجاج ءُ شد ھڑتالی ءِ بُنجال ءَ نِندگ دمبُرت نام ئے انساپ کنوکیں دورائیں جاھانی دَر ٹُکّ اِت بَلے آھاں انساپ یکجاے ءَ نہ دِسیت.
درائیں انسان دوستیں واکاں گوں دزبندی اِنت کہ گوں شبیر جان ءَ ھوار درائیں گار ءُ بیگوائیں بلوچانی آجو کنگ ءَ وتی کِرد ءَ ادا بِکن اَنت.
