کوئٹہ تفتان شاہراہ پر جدید آباد کے مقام پر پل کے نیچے نصب دھماکہ خیز مواد پھٹنے سے پل کو نقصان پہنچا، جبکہ ٹریفک معطل کر دی گئی۔
پولیس کے مطابق دھماکے کی آواز تقریباً 20 کلومیٹر دور مستونگ شہر تک سنی گئی۔
پولیس حکام نے بتایا کہ دھماکہ خیز مواد پل کے نیچے نصب کیا گیا تھا۔ واقعے کے بعد سیکیورٹی اہلکاروں نے علاقے کو گھیرے میں لے کر کلیئرنس آپریشن شروع کر دیا، جبکہ شاہراہ پر ہر قسم کی آمدورفت عارضی طور پر روک دی گئی۔
پولیس کے مطابق واقعے میں کسی جانی نقصان یا زخمی ہونے کی اطلاع موصول نہیں ہوئی۔
