بلوچستان کے ضلع کیچ کے مرکزی شہر تربت میں ہفتہ کے روز نامعلوم مسلح افراد کی فائرنگ کے نتیجے میں ایک شخص ہلاک ہوگیا۔
واقعہ نیشنل بینک کے قریب ایک فرنیچر کی دکان پر پیش آیا، جہاں نامعلوم حملہ آوروں نے فائرنگ کی۔ فائرنگ کے نتیجے میں عبدالغفار ولد شیردل سکنہ کلگ شدید زخمی ہوئے۔ انہیں فوری طور پر اسپتال منتقل کیا گیا تاہم وہ زخموں کی تاب نہ لاتے ہوئے چل بسے۔
تاہم واقعہ کے محرکات تاحال معلوم نہیں ہوسکے۔
