سردار علی محمد قلندرانی نے ایکس پر اپنے پیغام میں کہا ہے کہ گزشتہ روز کراچی میں ان کے بیٹے سردار یوسف قلندرانی کو پاکستانی فورسز اپنے ساتھ لے گئے، یہ پہلا سانحہ نہیں ہے جس کا ان کے خاندان نے سامنا کیا؛ پندرہ سال قبل ان کے تین بیٹے اور تیس سے زائد رشتہ دار تُوتک سے لاپتہ کیے گئے تھے جو آج تک واپس نہیں آسکے ہیں۔
انہوں نے کہا کہ آج وہ ایک بار پھر اسی اذیت ناک خواب کو جھیلنے پر مجبور ہیں، کوئی باپ اپنے چار بیٹوں کو جبری گمشدگی کے حوالے کرنے کا دکھ برداشت نہیں کر سکتا۔
انہوں نے میڈیا انسانی حقوق کے محافظوں اور ہر باضمیر آواز سے اپیل کی کہ ان کے ساتھ کھڑے ہوں اور ان کے بچوں سمیت تمام لاپتہ افراد کے لیے آواز بلند کریں۔
