کوئٹہ میں قائم لاپتہ افراد کے لواحقین کی تنظیم وائس فار بلوچ مسنگ پرسنز کے بھوک ہڑتالی کیمپ کو نامعلوم افراد نے آگ لگا دی جس سے کیمپ کا ایک حصہ جل کر خاکستر ہوگیا۔
وی بی ایم پی کے وائس چئیرمین ماما قدیر بلوچ نے کیمپ سے ویڈیو پیغام جاری کرتے ہوئے کہا کہ وہ کیمپ میں حسبِ دستور بیٹھے ہوئے تھے کہ پیچھے سے کسی نے آگ لگا دی اور فرار ہوگیا۔
انہوں نے بتایا کہ وہ پولیس کو اطلاع دے چکے ہیں اور ملزمان کی فوری گرفتاری کا مطالبہ کرتے ہیں۔
یاد رہے کہ وائس فار بلوچ مسنگ پرسنز کے بھوک ہڑتالی کیمپ 14 برسوں سے جاری ہے جوکہ جبری گمشدہ افراد کی بازیابی کیلئے سرگرم عمل ہے۔
