حکومت بلوچستان نے ضلع کیچ میں چار نئے پولیس اسٹیشنوں کے قیام کا باضابطہ نوٹیفکیشن جاری کر دیا ہے۔
پولیس حکام کے مطابق نئے پولیس اسٹیشن یونیورسٹی، گوکدان، آبسر اور پیدرک کے نام سے قائم کیے جائیں گے، جبکہ اس سے قبل جوسک پولیس اسٹیشن بھی فعال کیا جا چکا ہے۔
ضلع پولیس کیچ کا کہنا ہے کہ نئے تھانوں کے قیام کا مقصد دور دراز علاقوں تک پولیس کی رسائی کو بہتر بنانا، شہریوں کو بروقت، معیاری اور مؤثر پولیس خدمات فراہم کرنا، جرائم کی روک تھام کو یقینی بنانا اور امن و امان کی مجموعی صورتحال کو مزید مستحکم کرنا ہے۔
