بلوچ لبریشن آرمی کے ترجمان جیئند بلوچ نے میڈیا کو بھیجے گئے اپنے بیان میں کہا ہے کہ سرمچاروں نے آج چمالنگ کے علاقے ‘بالا ڈاک’ میں قابض پاکستانی فوج کے قافلے کو ایک مربوط حملے میں نشانہ بنایا۔
جیئند بلوچ نے کہا ہے یہ کارروائی بی ایل اے کے انٹیلی جنس ونگ زراب کی فراہم کردہ درست خفیہ معلومات کی بنیاد پر سرانجام دی گئی۔
ترجمان کے مطابق کارروائی میں پہلے ایک گاڑی کو ریموٹ کنٹرول دھماکے سے اڑایا گیا، جس کے بعد دوسری گاڑی پر شدید مسلح حملہ کیا گیا۔
انہوں نے کہا اس کامیاب حملے میں میجر توصیف بھٹی سمیت دشمن فوج کے 8 اہلکار ہلاک ہوئے۔
ترجمان نے مزید کہا بی ایل اے اس کارروائی کی ذمہ داری قبول کرتی ہے، جبکہ واقعے کی مزید تفصیلات جلد میڈیا میں جاری کی جائیں گی۔
