بلوچستان کے ضلع گوادر اور پنجگور میں دو مختلف بم دھماکوں میں پاکستانی فورسز کی گاڑیوں کو نشانہ بنایا گیا ہے جس کے نتیجے میں فورسز کو جانی و مالی نقصانات کا سامنا کرنا پڑا ہے۔
آج صبح گوادر کے علاقے پسنی میں شادیکور کے مقام پر پاکستانی فورسز کی ایک گاڑی کو نامعلوم افراد نے بم دھماکے میں نشانہ بنایا۔ علاقائی ذرائع کے مطابق دھماکے کے نتیجے میں گاڑی مکمل تباہ ہوگئی جبکہ اس میں سوار اہلکاروں کو جانی نقصانات کا سامنا کرنا پڑا۔
دریں اثناء پنجگور میں چیدگی کے علاقے میں اسی نوعیت کے ایک اور حملے میں فورسز کی ایک گاڑی کو نامعلوم افراد نے بم دھماکے میں نشانہ بنایا۔ اس حملے میں بھی متعدد اہلکاروں کے ہلاکت و زخمی ہونے کی اطلاعات ہیں۔
حکام نے تاحال اس حوالے سے کوئی تفصیلات فراہم نہیں کی ہے۔
