بلوچستان کے ضلع کیچ میں پاکستان فوج آپریشن کررہی ہے، علاقوں میں گن شپ و دیگر ہیلی کاپٹروں کی آمد و رفت جاری ہے جبکہدھماکوں کی آواز سنی گئی ہے۔
ذرائع نے ٹی بی پی کو بتایا علی الصبح پاکستان فوج نے بلیدہ اور زامران کے پہاڑی سلسلوں میں آپریشن کا آغاز کردیا ہے۔ عینیشاہدین نے بتایا کہ متعدد گن شپ و دیگر ہیلی کاپٹروں کو فضاء میں دیکھا گیا۔
علاقائی ذرائع کا مزید کہنا ہے کہ اس دوران دھماکوں اور شیلنگ کی آواز سنی گئی ہے۔
حکام نے تاحال اس حوالے سے تفصیلات فراہم نہیں کی ہے۔
