تربت میں ایم آئی اہلکار کو ہلاک کیا – بی ایل ایف

662

بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ بیان میں کہا ہے کہ بی ایل ایف کے سرمچاروں نے آج صبح گیارہ بجکر بیس منٹ پر کیچ کے مرکزی شہر تربت کے علاقے ڈنُک میں پاکستانی فوج کے ملٹری انٹیلیجنس (ایم آئی) کے حاضر سروس اہلکار ثناءاللہ سکنہ کرک خیبرپختونخواہ کو فائرنگ کرکے ہلاک کیا۔

انہوں نے کہا کہ ایم آئی اہلکار کو سرمچاروں نے اس وقت نشانہ بنایا جب وہ ڈی بلوچ کے فوجی کیمپ سے نکل کر تربت شہر کی جانب جارہا تھا۔

ترجمان نے کہا کہ ایم آئی کا مذکورہ اہلکار گزشتہ چھ سالوں سے تربت میں تعینات تھا۔ گزشتہ ایک سال سے اس کی ڈیوٹی ڈی بلوچ کیمپ کے ایم آئی برانچ میں تھا جبکہ اس سے پہلے وہ تربت شہر میں واقع ایم آئی کیمپ اور ایف سی کی مرکزی کیمپ میں فرائض سر انجام دیتا تھا۔

انہوں نے مزید کہا کہ ہماری انٹیلیجنس ونگ نے کافی عرصے سے اس پر نظر رکھا ہوا تھا۔ وہ تربت شہر کے علاوہ بالخصوص گوکدان اور ڈنُک میں کافی سرگرم تھا۔ اس نے مخبری کیلئے مقامی افراد کا نیٹ ورک بنایا ہوا تھا جنکی تمام تر معلومات تنظیم کے پاس موجود ہیں۔

ترجمان نے کہا کہ بی ایل ایف اس حملے کی ذمہ قبول کرتی ہے۔ اس کے تمام کارندے ہمارے نشانے پر ہیں۔ شہریوں سے اپیل ہے کہ ایسے عناصر سے دُور رہیں۔ یہ حملے بلوچستان کی آزادی تک جاری رہیں گے۔