بلوچستان کے ضلع قلات کے علاقے شیخڑی کے مقام پر نامعلوم افراد نے یوفون کمپنی کے موبائل ٹاور کو بارودی مواد سے تباہ کردیا۔
علاقائی ذرائع کے مطابق مسلح افراد ٹاور کو دھماکے سے اڑانے کے بعد فرار ہوگئے۔ حکام کی جانب سے تاحال اس حوالے سے کوئی موقف پیش نہیں کیا گیا۔
خیال رہے کہ مذکورہ ٹاور کو چند ماہ قبل بھی دھماکے سے تباہ کر دیا گیا تھا۔
بلوچ مسلح تنظمیوں کا موقف ہے کہ پاکستانی فوج ان موبائل نیٹورکوں کے ذریعے بلوچ مسلح تنظیموں کی نگرانی کیلئے استعمال کرتی ہے۔ تاہم آج ہونے والے دھماکے کی ذمہ داری تاحال کسی تنظیم نے قبول نہیں کی ہے۔
