بلوچستان نیشنل پارٹی کے سربراہ اور رکن پاکستان اسمبلی سردار اختر مینگل نے کہا کہ آج بلوچستان اسمبلی کے احاطے میں جو واقعہ پیش آیا اس کی مذمت کرتا ہوں جس میں اپوزیشن کے ارکان کو پولیس فورس کے ذریعے تشدد کا نشانہ بنایا گیا ۔
ان خیالات کا اظہار انہوں نے سماجی رابطے کے ویب سائٹ میں اپنے ایک ٹوئٹ میں کیا، سر دار اختر مینگل نے کہا بلوچستان اسمبلی کے احاطے میں پو لیس فورس کے ذریعے ایوان کا گیٹ توڑا گیا اور اراکین پر تشدد کیا اس کی صوبے مں کہیں مثال نہیں ملتی اور بی این پی کے سربراہ نے کہا کہ جام حکومت نے تمام حدود پار کرلئے ہیں ہم ان کے خلاف تمام قانونی چارہ جوئی کریں گے۔
اپنے ایک ٹوئیٹ میں انہوں نے کہا کہ آمریت کے دور میں بھی اسطرح نہیں ہوا جس طرح طاقت کا استعمال آج بلوچستان اسمبلی میں ہوا۔
