شہید ریحان بلوچ ءَ سُہریں دروت
سرباز وفا
دی بلوچستان پوسٹ
تہاریں شپ گوزان انت بام داتگ
شہیداں مارا چونیں نام داتگ
سر ءِ هک اش ادا کرتگ جهان ءَ
وتی ماتیں زمین ءِ وام داتگ
اگاں مردم هورت پچاریت بنی آدم ءَ وتی ارواه وتی زند ءِ وشی بے کساس دوست انت انگت مردم پرچہ وتی شہیدی ءَ لوٹیت اے کجام چیز انت مردم ءَ مجبور کنت مردم وتی کلیں وشیاں کربان کنت اے یک ساه ءُ سرا کربان کنت جیڑگی گپ ءِ مردم حیراں بیت چہ بازیں جیڑگ ءَ پد اے گپ پدر بیت اے انسانیت ایں . اے راستی انت . اے گیرت ایں . اے مُحبت ایں . اے زانت ءُ سرپدی ایں . اے راجدوستی ءُ وتن دوستی انت . اے همت ایں . اے ایمانداری ءُ مُهکمی انت .اے بہادری ایں . مردم ءَ مجبور کنت شہیدی ءِ نیمگ ءَ بارت
شہید و شهادت یک عربی گپ ءِ اسلامی گپ ءِ شهادت ءِ مانا گوائی دیگ هما گوائی پہ هک ءُ راستی ءِ هاترا وتی ساه ءُ سر ءِ ندر کنگ ءَ را گُشنت شهادت شہید زندگ انت شہید نمیران انت شہید ءَ همے هاترا زندگ گشنت شہید ءِ پگر ءِ زندگ انت پگر یک درد ءِ یک احاس ءِ همدردی ءِ رهشونی ءِ اگاں کسے ءِ پگر زندگ بوت بزان آه گون زندگینان هوار انت نمیران هما کردانی واهند بیت چہ آئی مرگ ءَ پد آئی ءِ نام شریں وڑے ءَ
گرگ بیت کرد وتی واهُند ءَ زندگ داریت توصیف کنت
11 اگست بلوچ راجدپتر ءِ تہا یک وشیں روچ ءِ زانگ بیت همے روچ ءَ 11 اگست 1947 ءَ بلوچستان چہ برطانیہ گلامی ءَ آجو کنگ بیت اگاں ما بلوچ راجدپتر ءَ چاراں بلوچ راج ءَ ہر وهد ءَ زالم ءِ هلاپ ءَ جنگ کرت ءَ 11 اگست 2018 ءَ بلوچ راج ءِ گیرتمندیں بچ ریحان جان ءِ شہیدی ءَ تیوگیں دُگنیاه ءَ همے گپ پیش داشت بلوچ راج ءِ تہا ایماندار ءُ گیرت مند است پہ وتی ماتیں وتن ءِ رکینگ ءَ مرگ ءَ په مڑاه زوراں پہ وتی جان ءِ کربان کنگ ءَ چک ءُ پد نباں سنگت ریحان جان ءِ شہیدی کلیں بلوچ راج ءَ آئی پگری سنگتاں مبارک بات
اے وڑیں جزبہ ءُ کربانی راجانی همت ءَ ودیناں اے پہ بلوچ راج ءَ پَہر ءِ گپ ءِ اے راج ءِ تہا شہید ریحان جان ءِ وڑیں بچ ءِ بوتگ اے راج ءَ کیہ گلام جوڑ کنت شہید ریحان ءِ وڑیں زانتکار ءُ بہادریں سنگت ءِ جدائی چہ حدا گیش توریت بل ءِ مردم آئی مول ءُ مراد ءَ ( مقصد ) گندیت حوصلہ ءُ همت ودیت
بلوج راج ءِ کلیں شہیدانی کربانی ستا کرزانت قابل ءِ کدرانت پہ همے پگر ءِ هاترا شہید بوتگاں اگاں مرچی بلوچ راجی جُنز مُهکم انت اے همے شہیدانی رهتگیں هون انت آهانی همت ءُ کربانی انت شہید ریحان جان ءِ شہیدی ءَ بلوچ راج ءَ دگہ یک نوکیں نام ءُ شرپ ءِ بکشت شہید ریحان جان دالبندیں چینی کچک وارانی سرا وتکُشیں حملہ کنگ ءَ چین ءَ را اے گپ پیش داشت اگاں تو چہ وتی بچانی کربانی ءَ آجوئی گپت ءَ اے بلوچستان چو بے پرزند نہ انت تو بلوچستان ءِ گلامی ءَ مُهکم ءِ بکن ءِ
شہید ریحان جان ءِ شہیدی پہ چین ءَ یک پنت ءِ بقول شہید ڈاکٹر منان جان چین ءَ وتی تحریک وانگ کپیت چین ءِ مهلوک ءَ چرمین ماهو داتگیں پنت بےهال کرتگاں چین ءَ وت چہ یک جنگے ءَ پد وتی آجوئی گپت ءَ اے بے ابرتیں چینی مہلوک ءَ بائدیں وتی شہید یاد بیاهان پہ دگنیاه ءَ سبک ءِ ریحان جان ءِ شہیدی راجدوستی ءِ سوگات ءِ تیوگیں دگنیاه ءَ را پیش داشت حقیقی راجدوستی اے کربانی نام انت اگاں کس ءِ راجدوستی ءِ جُہد ءَ کنت شہید ریحان جان ءِ کرد چارگ لوٹیت شہید ریحان جان بلوچ راجی رهشون واجہ اُستاد اسلم ءِ پرزند ءِ اے وڑیں پس ءَ هزار سلام وتی جگر ءِ ٹُکر ءَ وتی پگر ءِ راه ءِ تہا پہ اے وڑیں کربانی ءَ تیار کنت کجام پس ءَ وتی پرزند دوست نہ انت هرکس ءَ وتی پرزند دوست انت اگاں کسے ءَ وتی راج ءُ وتن دوست بوت پرزندانی کربانی چک ءُ پد نہ بیت
راجی جُہدکار ءِ سرا فرض انت وتی پگر ءَ چو دین ءِ وڑا سرپد بہ بیت اگاں کس ءِ شہید ریحان جان ءِ وڑا تیار بوت آئر ءَ کس پروش داشت نہ کنت شہید ریحان جان ءِ شہیدی ءَ بلوچ راج ءُ دگنیاه ءَ را پیش داشت راج ءُ وتن ءِ مُحبت کجام انت مُحبت هما انت مردم ءَ را چہ وتی ارواه ءَ دیم ءَ دوست انت شہید ریحان جان اے گپ پیش داشت من ءَ گون وتی وتن ءَ مُحبت انت آئی پُختگی ءُ مُهکم ارده ءَ مرچی پدرانت شہید ریحان چہ راجدوستی ءِ چکاس ءِ تہا وت ءَ صوبمند کرت اگاں هر جُہدکار ءِ اے جنگ ءِ پڑ ءِ تہا اهت ءَ آئی واهگ همیش انت آزادی یاں موت وهد ءِ جہُدکار شہید بوت اے آئی صوبمندی انت
ریحان جان ءِ شہیدی پہ بلوچ راج ءَ بلائیں داد ءِ همت ءُ حوصلہ ءِ مُهکمی ءِ سوگات انت یک پنت ءِ دلبڈی ءِ اے وڑیں بچاں مئے راجی جُنز مُهکم کرتگ شہید ریحان جان وتن دوستی ءِ مهر ءُ مُحبت بلوچ راج ءَ را پیش داشت چہ ریحان جان ءِ شہیدی ءَ هر جُہدکار ءِ اراده مُهکم بیت اگاں هر جُہدکار ریحان جان ءِ وڑا مُهکم بوت آروچ دور نہ انت بلوچ راج وتی آجوئی جُہد ءَ صوبیں بیت
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
