حب چوکی سے آواران کا رہائشی فورسز کے ہاتھوں گرفتاری کے بعد نامعلوم مقام پر منتقل
دی بلوچستان پوسٹ نیوز ڈیسک کو موصول ہونے والی اطلاعات کے مطابق آواران کا رہائشی حب چوکی سے فورسز اور خفیہ اداروں کے اہلکاروں کے ہاتھوں گرفتار ہونے کے بعد نامعلوم مقام پر منتقل کردیا گیا۔
تفصیلات کے مطابق آج دوپہر3 بجے کے قریب حب چوکی کے علاقے جام کالونی میں فورسز اور خفیہ اداروں کے اہلکاروں نے مشترکہ کاروائی کرتے ہوئے عبدالمالک عرف زہیر ولد پنچ شمبے سکنہ بزداد جو ضلع آواران کو گرفتار کر کے نامعلوم مقام پر منتقل کر دیا ۔
واضح رہے کہ عبدالمالک ماضی میں مسلح آزادی پسند تنظیم سے وابسطہ رہا ہے جس نے دو ماہ قبل فورسز کے سامنے ہتھیار ڈال کرخود کو حکام کےحوالے کر دیا تھا۔
یاد رہے یہ ایسا پہلا واقعہ نہیں ہے جب فورسز نے سرنڈر شدہ افراد کو گرفتار کرکے لاپتہ کردیا ہو جبکہ دوسری جانب سرنڈر شدہ افراد کو بلوچ مسلح آزادی پسند تنظیموں کی جانب سے بھی نشانہ بنایا جاتا رہا ہے۔
