مند سے لاپتہ ہونے والے دو افراد تربت سے بازیاب

دی بلوچستان پوسٹ ویب ڈیسک کو موصول ہونے والی اطلاعات کے مطابق بلوچستان کے علاقے مند سے پچیس مارچ کو پاکستانی فورسز کے ہاتھوں گرفتاری کے بعد لاپتہ ہونے والے دو افراد بازیاب ہوگئے ہیں-

تفصیلات کے مطابق پچیس مارچ کو مندکے علاقے ڈلسر سے دوران آپریشن پاکستانی فورسز کے ہاتھوں اغواء ہونے والے دو بھائی مدیر ولد خان محمد اور منیر ولد خان محمد سکنہ ڈلسر مند گزشتہ شب تربت سے بازیاب ہوکر اپنے گھر پہنچ گئے ہیں-

واضح رہے پچیس مارچ کو ہونے والے آپریشن میں مدیر اور منیر کے تیسرے بھائی حسین کو بھی پاکستانی فورسز اپنے ساتھ لے گئے تھے، جو ابھی تک لاپتہ ہے