بلوچ ریپبلکن آرمی کے ترجمان سرباز بلوچ نے میڈیا سے گفتگو کرتے ہوئے کہا کہ 26 جنوری کو پاکستانی افواج نے کولواہ میں بلوچ ریپبلکن آرمی کے بیس کیمپ پر بڑی تعداد میں زمینی دستوں اور فضا میں گن شب ہیلی کاپٹروں کی مدد سے حملہ کرکے کیمپ پر قبضے کی کوشش کی جسے بی آر اے کے ساتھیوں نے بہادری اور کامیاب جنگی حکمت عملی کے تحت ناکام بنادیا اور فورسز کو پسپا کردیا۔
کمیپ پر فورسز کے قبضے کی کوشش میں قبضہ گیر اہلکاروں سے مختلف مقامات پر کئی گھنٹے دو بدو جھڑپیں ہوئی جس میں متعدد اہلکار ہلاک ہوگئے، آمنے سامنے جنگ کے دوران تنظیم کا ساتھی شعیب بلوچ عرف لکمیر نے کیمپ کے دیگر ساتھیوں کو محفوظ راستے کی فراہمی کیلئے دشمن کا راستہ روک کر تین گنھٹے تک فورسز کا مقابلہ کرتے ہوئے جام شہادت نوش کیا۔
شہید شعیب گزشتہ طویل عرصے سے بی آر اے سے وابستہ تھے ان کے عظیم قربانی پر تنظیم انہیں کوہسار ء وطن کا لقب دینے کا اعلان کرتی ہے۔
ترجمان نے مزید کہا کہ ہم اس بات کی بھی وضاحت کرتے ہیں کہ مزکورہ حملے میں تنظیم کے علاقائی کمانڈر افضل بلوچ کے حوالے سے شہادت کی خبروں میں کوئی صداقت نہیں وہ صحیح سلامت محاز پر اپنے ساتھیوں کےدرمیان موجود ہیں۔ ہماری جنگ آزاد بلوچستان کے قیام تک جاری رہے گی۔
