حب: پاکستانی خفیہ اداروں کے ہاتھوں دو طالب علم لاپتہ

کراچی سے منسلک بلوچستان کے صنعتی شہر حب سے پاکستانی خفیہ اداروں نے دو نوجوان طالب علموں کو حراست میں لیکر اپنے ہمراہ لے گئے ہیں –

علاقائی ذرائع کے مطابق دونوں طالب علم حب ڈاکخانہ روڈ پر ایک دکان پر بیٹھے ہوئے تھے کہ خفیہ اداروں کے اہلکاروں نے دونوں کو اغواء کرلیا –

حب سے لاپتہ ہونے والے دونوں طالب علموں کی شناخت زبیر زہری ولد سراج احمد اور عدنان مینگل ولد خدا بخش کے ناموں سے ہوئی ہے جو کوئٹہ پولیٹکنک کالج کے طالب علم ہیں –

دونوں طالب علموں کو گذشتہ روز لاپتہ کیا گیا-

یاد رہے بلوچستان سے گذشتہ چند روز میں چھ طلباء کو جبری گمشدگی کا نشانہ بنایا گیا ہے جبکہ آج ہی کے روز نوشکی سے فورسز نے دو طالب علموں کو حراست میں لیکر نامعلوم مقام پر منتقل کیا اور اسی طرح شاہرگ سے بھی دو افراد کو گھر پر چھاپے کے بعد لاپتہ کیا گیا ہے۔